Концертная программа “Бәхетең булһын көн дә”

13 май Үрге Төкөн ауылы клубында “Бәхетең булһын көн дә” исемле бай йөкмәткеле концерт программаһы менән Айгөл Шаһманова үҙенең ижадташ дуҫтары менән ҡунаҡҡа килде.Альберт Уразмәтовтың юморға бай һәм тормошсан әҫәрҙәрен тамашасылар дәррәү алҡыштарға күмде. Ә инде Айгөл Шаһманова, Ришат Галиханов, Альбина Килдиярованың моңло ла, дәртле лә йырҙары бөтәһенә лә яҡшы кәйеф бүләк итте.Был концерттан ауылдаштар ҙа, артистар ҙа күңел күтәренкелеге менән таралышты. Һәләтле артистарыбыҙға ижади уңыштар, зал тулы тамашасылар теләйбеҙ.