Праздник “В мире детства” в Вернетюкуньском СК

Йәйҙең тәүге көнөндә балаларҙы яҡлау көнө үткәрелеүе бик ҡыуаныслы. Үрге Төкөн ауылы клубында бөгөн “Баласаҡ илендә “тип аталған сара үтте. Шау-гөр килде балалар, уларға ҡушылды ололар. Бөгөн һеҙҙең байрам, беҙҙең байрам, барыбыҙҙың да байрам!

Эй, бала саҡ, бала саҡ,
Бер ҡайғыһыҙ, ғәмһеҙ саҡ.
Атай янда, әсәй янда,
Уйһыҙ һәм бәхетле саҡ.

Эй бала саҡ, бала саҡ,
Иркәле саҡ, наҙлы саҡ.
Шатлыҡтарҙан һауаларҙа
Ҡанатһыҙ ҙа осҡан саҡ.

Эй бала саҡ, бала саҡ,
Иң сәскәле, нурлы саҡ.
Һағынып та ғүмер буйы
Иҫтән сыҡмай торған саҡ.
Мәңгелеккә онотолмай
Үҙенә тартып торған яҡ.
(Ниязова Рәйлә)